कृत्रिम बुद्धिमत्ता (Artificial Intelligence)

रयत शिक्षण संस्थेचे माध्यमिक, उच्च माध्यमिक व महाविद्यालयातील विद्यार्थ्यांना नवीन तंत्रज्ञानाची व आधुनिक काळाची गरज ओळखून संस्थेने ग्रामीण व शहरी भागातील विद्यार्थ्यांना आधुनिक माहिती तंत्रज्ञानाचे प्राथमिक शिक्षण मिळावे या उद्देशाने धोरणात्मक निर्णय घेऊन शैक्षणिक वर्ष 2025-26 मध्ये जून 2025 पासून कृत्रिम बुद्धिमत्ता (Artificial Intelligence) हा अभ्यासक्रम सर्व शाखांमध्ये प्रभावीपणे सुरू केला आहे.

कृत्रिम बुद्धिमत्ता (Artificial Intelligence) या क्षेत्रामध्ये उल्लेखनीय काम करीत असलेल्या सिम्यु-सॉफ्ट टेक्नॉलॉजी, पुणे या कंपनीमार्फत संस्थेतील लीड ट्रेनर यांना या अभ्यासक्रमाचे प्रशिक्षण देण्यात आलेले आहे. तसेच सिम्यु-सॉफ्ट टेक्नॉलॉजी, पुणे या कंपनीमार्फत प्रशिक्षित झालेल्या लीड ट्रेनर (सेवक) यांनी संस्थेच्या विभागानुसार सर्व शाखेतील सेवकांना प्रशिक्षण दिले आहे. याबाबत संस्थेने सिम्यु-सॉफ्ट टेक्नॉलॉजीज, पुणे यांच्याशी सामंजस्य करार केलेला आहे.

कृत्रिम बुद्धिमत्ता (Artificial Intelligence) साठी थेअरी व प्रॅक्टिकलच्या विषयानुसार Artificial Intelligence (AI), Machine Learning (ML), Internet of Things (IOT), Robotics, Coding इत्यादी अभ्यासक्रम दिलेला आहे. सन 2025-26 च्या प्रथम सत्रामध्ये थेअरीसाठी स्टडी मटेरियल (Books) संस्थेच्या सर्व शाखांना पुरविण्यात आलेले असून त्यानुसार प्रशिक्षण दिले जात आहे.

यासाठी माध्यमिक स्तरावर इ.५ वी ते इ.१० वी, इ.११ वी व १२ वी व वरिष्ठ महाविद्यालयानुसार कृत्रिम बुद्धिमत्ता विषयी अभ्यासक्रम तयार करण्यात आलेला असून त्यानुसार थेअरी व प्रॅक्टिकल दिले जात आहे.

गटनिहाय कृत्रिम बुद्धिमत्ता या अभ्यासक्रमासाठी सन २०२५-२६ मध्ये एकूण ५३३९७ विद्यार्थी प्रवेशित झालेले आहेत.