रयत शिक्षण संस्था

छत्रपती शिवाजी कॉलेज, साताराची खेळाडू कु. मधुरा धामणगावकर हिची जागतिक तिरंदाजी स्पर्धेत सुवर्ण पदकाला गवसणी!जागतिक तिरंदाजी स्पर्धा २०२६: पुबेला (मेक्सिको)

मेक्सिको मधील पुबेला येथे १२ एप्रिल रोजी झालेल्या जागतिक चषक तिरंदाजी स्टेज १ स्पर्धेत रयत शिक्षण संस्थेच्या छत्रपती शिवाजी कॉलेज, साताराची आंतरराष्ट्रीय खेळाडू कु. मधुरा धामणगावकर हिचा समावेश असलेल्या भारतीय महिला तिरंदाजी संघाने उत्कृष्ट खेळाचे प्रदर्शन करत अमेरिकेच्या संघाचा २३३-२३२ अशा गुणांनी पराभव करत सुवर्णपदकाला गवसणी घातली.

या भारतीय महिला संघात मधुरा धामणगावकर, ज्योती वेंनाम, प्रगती चौधरी यांचा समावेश होता.

ओजस देवतळेला कास्यपदकाची हुलकावणी

या स्पर्धेत ओजस देवतळे याची मिश्र प्रकारात प्रगती चौधरीसोबत कास्यपदकासाठी लढत झाली, पण त्यात १५५-१५४ असा पराभव स्वीकारावा लागला.

कु. मधुरा धामणगावकर हिने ५ आंतरराष्ट्रीय स्पर्धांत २ सुवर्ण, १ रौप्य व २ कास्य अशी कामगिरी केली आहे.

ओजस देवतळे याने १ सुवर्ण व १ कास्यपदक मिळवले आहे.

श्री. प्रवीण सावंत यांच्या मार्गदर्शनाखाली दोघांनी भारतासाठी एकूण ७ पदके मिळवली आहेत.

भारत सरकारच्या क्रीडा मंत्रालयाच्या टार्गेट ऑलिम्पिक पोडीयम स्कीम (टॉप्स) मध्ये ओजस देवतळेचा समावेश झाला आहे.

पुढील स्पर्धा चीनमध्ये होणार असून कु. मधुरा आणि ओजस सहभागी होणार आहेत.