रयत शिक्षण संस्था

कर्मवीर भाऊराव पाटील यांनी काले या गावी ग्रामस्थांना सोबत घेऊन दि.४ ऑक्टोबर, इ.स. १९१९ या दिवशी रयत शिक्षण संस्थेची स्थापना केली. त्यानंतर १९२४ साली रयत शिक्षण संस्थेचे कार्यालय सातारा येथे स्थलांतरित झाले. रयत शिक्षण संस्थेचा कार्याचा विस्तार दिवसेंदिवस वटवृक्षाप्रमाणे वाढत गेला. ४२ महाविद्यालये, ४३४ माध्यमिक विद्यालये, २१८ ज्युनिअर कॉलेजेस, ३३ इंग्रजी माध्यमाच्या शाळा, ३४ प्राथमिक व पूर्व प्राथमिक शाळा, ८ आश्रमशाळा व विद्यार्थ्यांसाठी ७५ वसतीगृहे असून संस्थेच्या विविध शाखांमध्ये मिळून एकूण विद्यार्थी ४,१८,०७९ व सेवक ११,६१७ आहेत.